“WhatsApp” yeni ildə rekorda imza atdı

Günlük həyatımızın əvəzolunmazı, uşaqdan böyüyə hərkəsin istifadə etdiyi “WhatsApp” sürətlə böyüməyə davam edir.

1news.az Technote-yə istinadən xəbər verir ki, “WhatsApp” “Facebook” tərəfindən 2014-ün oktyabr ayında satın alındıqdan sonra böyüməsini davam etdirərək aylıq 1 milyard istifadəçi sayına çatdı.

Tətbiqin sürətli inkişafı nəticəsində “Facebook”a aid “Messenger”i də geridə qoyub.

Yeni il gecəsi “WhatsApp üzərindən 63 milyard mesaj göndərilib. Bu mesajların 7,9 milyardı şəkil, 2,4 milyardı videodan ibarətdir, yerdə qalan hissəsi isə mətnlər olub.

Qeyd edək ki, GSM operatorlarının puluz mesajlaşma paketlərinin olmasına baxmayaraq çox saylı ağıllı telefon istifadəçisi “WhatsApp” tətbiqini üstün tutur və xususi günlərdə belə təbrik mesajlarının çoxu WhatsApp üzərindən göndərilir.

1news.az