“Samsung Galaxy S8” smartfonu martda təqdim edilə bilər
“Samsung” şirkəti 29 mart tarixində 849 ABŞ dolları məbləğində olan “Samsung Galaxy S8” smartfonunun təqdimatını, 24-30 aprel tarixlərində isə satışa çıxara bilər.
1news.az ICTnews-a istinadən xəbər verir ki, Cənubi Koreya şirkəti “Galaxy S8” smartfonunu fevralın sonunda keçiriləcək “MWC” sərgisinə də gətirəcək, ancaq orada smartfon geniş tamaşaçı kütləsinə təqdim edilməyəcək.
Xatırladaq ki, məlumatlara əsasən, “Samsung Galaxy S8” smartfonu 1440x2560 piksel təsvir ölçülü 5.7 düymlük nazik çərçivəli və “Gorilla Glass 5 “qoruyucu şüşəsinə malik bükük displey, “Snapdragon 835” səkkiznüvəli prosessoru, 12 meqapiksellik əsas və 8 meqapiksellik ön kameralarla təchiz ediləcək.
Həmçinin ehtimal edilir ki, “Samsung” şirkəti 6.2 düymlük ekranla təchiz edilmiş “S8 Plus” modelini də buraxacaq.
1news.az
