Tramp və Ərdoğan arasında telefon danışığı olub

ABŞ Prezidenti Donald Tramp və Türkiyə Prezidenti Rəcəb Tayyib Ərdoğan arasında telefon danışığı olub.

Qırx beş dəqiqə çəkən görüşdə ikitərəfli əlaqələr və terrorla mübarizə məsələləri müzakirə olunub.

D.Tramp ölkəsinin strateji tərəfdaşı və NATO-nun müttəfiqi olan Türkiyəyə dəstəyini ifadə edib, terror təşkilatı İŞİD-ə qarşı mübarizədə Ankaranın verdiyi töhfəni yüksək qiymətləndirib.

Ərdoğan iki ölkənin dost və müttəfiq olduğunu bildirib, D.Trampa prezidentlik dövründə fəaliyyətində uğurlar arzulayıb.

Anadolu