100-dən çox yaşı olan dünyanın ilk idman avtomobili 657 min dollar satılıb - FOTO

Dünyanın ilk idman avtomobili hərracda 657 min 185 dollara satılıb.

1news.az Azərtac-a istinadən xəbər verir ki, “Vauxhall Prince Henry” adlanan avtomobil 1911-1914-cü illərdə istehsal edilib.

Çəkisi 1250 kiloqram olan avtomobil Laurence Pomeroy tərəfindən dizayn edilib. Onu ilk olaraq ingilis iş adamı T.W.Badgeri, daha sonra 1945-ci ildə Laurence Pomeroyun oğlu, 1970-ci ildə isə Reg Long adlı şəxs satın alıb. Long 2016-cı ildə vəfat etsə də, avtomobil hələ də əvvəlki kimi işləyir.

“Vauxhall Prince Henry” idman avtomobilinin hazırda 102 yaşı var.

1news.az