Bakıda Musiqi Bayramı keçiriləcək
Dünyanın 120 ölkəsində və 30 ildir ki, Fransada ənənəvi olaraq qeyd edilən Musiqi Bayramı yenidən Bakıda.
1news.az-a “İçərişəhər” Dövlət Tarix-Memarlıq Qoruğu İdarəsindən verilən xəbərə görə, peşəkar və professional musiqiçilərin, musiqisevər publikanın küçələrə axışdığı, şən və bayram ab-havasında keçirilən bu Musiqi Bayramı təmənnasız olaraq hər kəs üçün eləcə də ifa olunma tərzindən asılı olmayaraq bütün musiqi janrlarına açıqdır.
Tədbir iyulun 1-də Azərbaycandakı Fransız İnstitutu, Fransanın Azərbaycandakı Səfirliyi, YARAT Müasir İncəsənət Mərkəzi, Paris Bistro, "İçərişəhər" Dövlət Tarix-Memarlıq Qoruğu İdarəsi, Hard Rock Cafe və Milli Turizm Təbliğat Bürosunun tərəfdaşlığı ilə Bakının müxtəlif yerlərində keçiriləcək.
Proqram:
16.00 - YARAT MÜASİR İNCƏSƏNƏT MƏRKƏZİ
Vəfa Qədirova (səs), Taleh Qəhrəmanov (gitara), Aydan Yusupzadə (piano);
Les Gamins.
18.00 - PARIS BISTRO
Əli İbrahimzadə;
Albina;
Ahmedowsky trio;
Milan Məmmədov
20.00 - İÇƏRİ ŞƏHƏR, YAY Qalereyasının qarşısı
Les Gardiens du Silence;
Todo Band.
22.00 - HARD ROCK CAFE
Radio & Video band.
S.Xankişiyeva
