Rusiyalı siyasətçi: Tillersonun istefası Trampın uduzması demək olacaq
ABŞ dövlət katibi Reks Tillersonun vəzifəsindən mümkün gedişi prezident Donald Trampın uduzması demək olacaq.
1news.az RİA Novosti-yə istinadla xəbər verir ki, bunu Rusiya Federasiya Şurasının xarici əlaqələr komitəsi sədrinin birinci müavini Vladimir Cabarov deyib.
Onun sözlərinə görə, Rusiya istənilən dövlət katibi ilə işləyəcək və bu, ABŞ-ın daxili məsələsidir: “Amma əgər Tillersonun yerinə “şahin” təyin edilərsə, nə etməli, “soyuq müharibə”yə hazırlaşacağıq”.
Cabarov vurğulayıb ki, Tillersonun istefası Trampın Konqresə uduzması demək olacaq:
“Tramp adminstrasiyasının “gözlənilməz” addımlarından yorulan Tillersonun gedişi realdır.Tillersson Rusiya ilə əlaqələrin, dialoqun tərəfdarı kimi çıxış edib, Əgər getməyi qərara alıbsa, Tramp özü üçün ən vacib bir adamı itirəcək”.
Pərvanə Sultanova
