Jurnalisti canlı yayımda vurdular – VİDEO
Moskvanın Qorki parkında içkili şəxs “Obzor. Çrezvıçaynoe proisşestvie” verlişinin canlı efiri zamanı NTV telekanalının əməkdaşı Nikita Razvozjayevə hücum edib.
1news.az-ın Gazeta.ru-ya istinadən verdiyi xəbərə görə, jurnalist Hava Desant Qoşunları Gününün qeyd olunduğu Moskvanın Qorki parkındakı fontanların yanında “Raspleskalas sineva…” adlı reportaj hazırlayarkən parkdakı adamlardan biri ona yaxınlaşaraq nəsə deyib.
“Zəhmət olmasa, susun” deyə Razvozjayev onu sakitləşdirmək istəyib. Bu isə həmin şəxsin xoşuna gəlməyib və “Sən mənimlə belə danışsan, payını alacaqsan” deyərək qəflətən jurnalistə yumruq zərbəsi vurub. Bundan sonra jurnalist verilişi yarımçıq kəsməli olub.
Bir qədər sonra xuliqanlıq edən şəxsi saxlayıblar.
Babək Cahandarov
