AFFA futbol azarkeşlərinə müraciət edib

AFFA DÇ-2018-in seçmə qrup mərhələsi çərçivəsində sabah Bakı Olimpiya Stadionunda keçiriləcək Azərbaycan - Çexiya oyunu ilə bağlı azarkeşlərə müraciət edib.

1news.az-ın məlumatına görə, qurumdan bildiriblər ki, azarkeşlərin rahat gediş-gəlişini təmin etmək məqsədilə stadionun ərazisində yerləşən avtomobil parkından istifadəyə şərait yaradılacaq.

Belə ki, qarşılaşmanı izləmək üçün stadiona şəxsi nəqliyyat vasitəsi ilə gələcək azarkeşlər avtomobillər üçün nəzərdə tutulmuş dayanacaqdan istifadə edə biləcəklər. 

Qeyd edək ki, Azərbaycan-Çexiya matçı oktyabrın 5-də saat 20:00-da start götürəcək.

Babək Cahandarov