SAM-ın ingilis dilində yeni kitabı Budapeştdə işıq üzü görüb – FOTO | 1news.az | Xəbərlər
Siyasət

SAM-ın ingilis dilində yeni kitabı Budapeştdə işıq üzü görüb – FOTO

10:45 - 19 / 12 / 2017
SAM-ın ingilis dilində yeni kitabı Budapeştdə işıq üzü görüb – FOTO

Azərbaycan Respublikasının Prezidenti yanında Strateji Araşdırmalar Mərkəzinin (SAM) ingilis dilində yeni nəşri – “Cənubi Qafqaz üzərində formalaşan nəqliyyat mərkəzi: Şərq-Qərb və Şimal-Cənub dəhlizlərinin kəsişməsi” mövzusundakı kitabı Budapeştdə işıq üzü görüb.

1news.az-a SAM-dan verilən xəbərə görə, kitab SAM və Macarıstanın Xarici Əlaqələr və Ticarət Nazirliyi yanında Xarici Əlaqələr və Ticarət İnstitutunun (IFAT) birgə əməkdaşlığı ilə ərsəyə gəlmişdir. Kitabda ilk iki fəsil Macarıstan tərəfdən, digər iki fəsil isə Azərbaycanlı müəlliflər tərəfindən yazılıb.

Kitabın elmi redaktoru SAM-ın İqtisadiyyatın Təhlili və Qloballaşma Məsələləri şöbəsinin elmi işçisi, SOAS London Universitetinin İqtisadiyyat üzrə doktorantı Mahir Hümbətovdur.

Kitabda Macarıstanın Xarici Əlaqələr və Ticarət Nazirliyi yanında Xarici Əlaqələr və Ticarət İnstitutunun əməkdaşları Diana Szoke və Zoltan Egeresi “Avropa-Cənubi Qafqaz-Asiya enerji bağı” adlı ilk fəsli yazıb. Macar təşkilatın digər əməkdaşı Gabor Braun isə “Şərq-Qərb dəhlizinin ticarət və logistikası: Avropa-Çin və əks istiqamətdə axınlar və Azərbaycanın rolu” adlı ikinci fəslin müəllifidir. Növbəti fəsil “Azərbaycan üzərində fokuslaşan Şərq-Qərb dəhlizinin nəqliyyat, ticarət, investisiyalar və logistikası” başlığı altında Mahir Hümbətov tərəfindən hazırlanıb. Kitabın “Beynəlxalq Şimal-Cənub Nəqliyyat Dəhlizi: Cənubi Qafqaz üzərində fokuslaşan yanaşma” mövzusundakı son fəslinin müəllifi isə Azərbaycan Dəmir Yolları QSC investisiya şöbəsinin əməkdaşı Gülzar Səlimovadır.

Kitabda ümumi olaraq Azərbaycanın Şərq-Qərb və Şimal-Cənub nəqliyyat dəhlizləri arasında mühüm coğrafi mövqeyə sahib olması və bu mövqedən öz təbii resursları, ticari əlaqələri, investisiya mühiti, idarəetmə qabiliyyəti və s. yollarla səmərəli şəkildə istifadə etməsi bildirilir. Bununla yanaşı, kitabda Avropa ilə Çin arasındakı ticarət əlaqələri, Çindən Avropaya və eyni zamanda, geriyə olan mövcud nəqliyyat dəhlizləri və onların maddi baxımdan sərfəliliyi və təhlükəsizlik baxımından mühümlüyü araşdırılmışdır. Bundan əlavə, Azərbaycanın özünün dəstəklədiyi nəqliyyat dəhlizini rəqabətə davamlı etmək üçün son illərdə həyata keçirdiyi iqtisadi və struktur islahatları, habelə Prezident İlham Əliyevin bu istiqamətdə imzaladığı fərman və sərəncamlar da kitabda yer alan mövzulardandır.

Kitabın məqsədi həm Şərq-Qərb və həm də Şimal-Cənub istiqamətlərindəki bütün nəqliyyat dəhlizlərində Azərbaycanın vacibliyi və əhəmiyyətini oxucuya çatdırmaqdır.

S.Xankişiyeva

Paylaş:
735

Son xəbərlər

Müdafiə Naziri: Azərbaycan Ordusu Böyük Qayıdışa layiqli töhfələr verir25 / 06 / 2024, 22:27Dövlət başçısı bəzi hərbi qulluqçulara ali hərbi rütbə verdi25 / 06 / 2024, 22:23Müdafiə Nazirliyinin hərbi qulluqçuları təltif edildi25 / 06 / 2024, 22:20Prezident Silahlı Qüvvələr Günü münasibətilə paylaşım edib25 / 06 / 2024, 22:11Natiq Qasımova “Azərbaycanın Milli Qəhrəmanı” adı verilib25 / 06 / 2024, 21:47Müəllimlərin sertifikasiya imtahanlarında zəif nəticə göstərən bölgələr açıqlanıb25 / 06 / 2024, 17:50SABAH qrupları bakalavriat səviyyəsində müəllimlərin işə qəbulu üzrə müsabiqə elan olunur25 / 06 / 2024, 17:39Milli Məclisin 28 iyunda keçiriləcək iclasının gündəliyi açıqlanıb - SİYAHI25 / 06 / 2024, 17:27Agentlik monitorinq keçirdi - Bəzi dondurmalarda bakteriya aşkar edilib - FOTO25 / 06 / 2024, 17:12PAŞA Holding-in tələbələr üçün təşkil etdiyi “Əlaçı” təqaüd proqramının bağlanış tədbiri baş tutub - FOTO25 / 06 / 2024, 17:06Xidmət rəisindən güclü küləklə bağlı əhaliyə müraciət25 / 06 / 2024, 16:56AFFA iki kluba texniki məğlubiyyət verib25 / 06 / 2024, 16:49Ərdoğan və Putin arasında telefon danışığı olub25 / 06 / 2024, 16:45Küləkli hava şəraiti ilə bağlı sarı və narıncı xəbərdarlıq edilib25 / 06 / 2024, 16:17Birinci Qarabağ müharibəsində itkin düşmüş və şəxsiyyəti müəyyənləşdirilən daha səkkiz şəhid dəfn ediləcək25 / 06 / 2024, 16:12“Aİ-92” benzinin və dizelin qiyməti artırılır?25 / 06 / 2024, 16:00Paytaxtın bəzi yollarında avtobusların hərəkəti məhdudlaşdırıldı25 / 06 / 2024, 15:45Təkrar sertifikatlaşdırmada minimum tələbi ödəməyən və nəticələri ləğv edilən müəllimlərin müqavilələrinə xitam veriləcək25 / 06 / 2024, 15:35Heydər Əliyev adına Hərbi İnstitutda növbəti buraxılış mərasimi keçirilib - VİDEO25 / 06 / 2024, 15:10Əlillərə verilən avtomobillərin satılması və bağışlanması qadağan olunub25 / 06 / 2024, 15:08
Bütün xəbərlər