Elmar Məmmədyarov Mövlud Çavuşoğlu ilə görüşüb

Bakıda xarici işlər naziri Elmar Məmmədyarovla Türkiyənin xarici işlər naziri Mövlud Çavuşoğlu arasında görüş keçirilib.

1news.az-ın məlumatına görə, görüşdə ikitərəfli əlaqələrin müxtəlif sahələrdə inkişafı, regional əməkdaşlıq və beynəlxalq təşkilatlar çərçivəsində əməkdaşlıq məsələlərinə dair geniş fikir mübadiləsi aparılıb.

Qeyd edək ki, bu gün Azərbaycan, İran və Türkiyə  xarici işlər nazirlərinin iştirakı ilə beşinci üçtərəfli görüşü keçiriləcək. Görüşdən sonra nazirlər mətbuata bəyanatla çıxış edəcəklər.

1news.az