Ov iti sahibini güllələdi

Rusiyanın Saratov vilayətinin Krasnokutsk rayonunda ov zamanı bir kişi ölüb.

1news.az-ın Trend.az-a istinadən verdiyi xəbərə görə, 64 yaşlı yerli sakin ov ərazisinə gələrək avtomobilin baqajında saxladığı iki köpəyini açıb buraxıb. Bu zaman oynaşan hevvanlardan birinin pəncəsi yanlarında olan “TOZ-34” markalı ov tüfənginin tətiyinə toxunub. Silahdan açılan güllə ovçunun qarın nahiyəsinə tuş gəlib.

O, atəş səsinə gələn yaxınlıqdakı şəxslərin köməyi ilə xəstəxanaya çatdırılsa da, həyatını xilas etmək mümkün olmayıb.

1news.az