Səfir Azərbaycanın biznes mühitinin yaxşılaşdırılması barədə danışıb
ABŞ-ın Azərbaycandakı səfiri Robert Sekuta Sahibkarlar Təşkilatları Milli Konfederasiyasının prezidenti Məmməd Musayev ilə görüşüb.
1news.az səfirliyin Tvitter səhifəsinə istinadla xəbər verir ki, görüşdə səfir Azərbaycanın biznes mühitinin yaxşılaşdırılması mövzusunda danışıb, USAID və ABŞ proqramlarının sahibkarlığı təşviq etdiyini, iş yeri, ticarət və rifahı artırdığını qeyd edib.
Diplomat Konfederasiyanın fəaliyyətləri barədə məlumat alıb və qurumun ABŞ səfirliyi ilə daha yaxından çalışma imkanlarını öyrənib.
R.Sekuta Azərbaycan iqtisadiyyatının şaxələndirilməsi, iqtisadi islahatlar və böyüməyə dəstəkdə biznes mühitinin inkişafı üçün korrupsiyaya qarşı mübarizə, qanunun aliliyinin gücləndirilməsi, açıqlıq, öngörmə və şəffaflığın artırılması kimi addımların əhəmiyyətini qeyd edib.
P.Sultanova
