İŞİD Kabildəki hücumun məsuliyyətini öz üzərinə götürüb - YENİLƏNİB

Əfqanıstanın paytaxtı Kabildə bir qrup silahlının hərbi akademiyaya hücum nəticəsində həlak olan hərbçilərin sayı 5 nəfərə çatıb.

1news.az xəbər verir ki, bu barədə ölkənin  1TV kanalı məlumat yayıb. Daha 10 nəfərin isə yaralandığı bildirilib.

Hücuma görə məsuliyyəti İŞİD terror qruplaşması öz üzərinə götürüb.

Qeyd edək ki, Kabildə hərbi akademiyaya 5 silahlı şəxs hücum edib.

09:11

Əfqanıstanın paytaxtı Kabildə silahlı şəxslərdən ibarət qrupun hərbi akademiyaya hücum edib. 

1news.az RİA Novosti-yə istinadla xəbər verir ki, hadisə nəticəsində iki hərbçi həlak olub, daha on nəfər yaralanıb. Ölkənin Müdafiə Nazirliyinin məlumatına görə, tərəflər arasında qarşıdurma davam edir.

Təhlükəsizlik qüvvələri akademiyaya gedən yolları bağlayıb, ərazidən atəş və partlayış səsləri eşidilir. Hücum edənlər beş nəfər olub. Yaraqlılardan üç nəfəri məhv edilib, biri ələ keçirilib. Hazırda beşinci yaraqlı müqavimət göstərməyə davam edir.

P.Sultanova