SAM-ın yeni məqalələr toplusu nəşr edilib – FOTO
Azərbaycan Respublikası Prezidenti yanında Strateji Araşdırmalar Mərkəzi (SAM) tərəfindən bu yaxında mərkəzin direktor müavini Gülşən Paşayeva və Xarici siyasət məsələlərinin təhlili şöbəsinin aparıcı elmi işçisi Fuad Çıraqovun redaktorluğu ilə “Müharibə və sülh arasında: Dağlıq Qarabağ nümunəsi” adlı məqalələr toplusu nəşr edilib.
1news.az-ın SAM-a istinadla verdiyi xəbərə görə, kitabda beynəlxalq ekspertlər, eləcə də SAM-ın əməkdaşları tərəfindən Ermənistan-Azərbaycan Dağlıq Qarabağ münaqişəsinə dair 2011-2017-ci illərdə müxtəlif elmi jurnallarda, habelə elektron mediada ilk olaraq nəşr edilmiş 24 məqalə və şərh toplanıb.
Bu məqalələr münaqişənin hüquqi və təhlükəsizlik aspektlərini, ötən dövr ərzində həyata keçirilmiş müxtəlif vasitəçilik səylərini, qlobal və regional güclərin münaqişənin həlli istiqamətindəki rolunu, bu münaqişəyə münasibətdə tarixi, mədəni, gender və identiklik baxımından yanaşmaları və s. məsələləri əhatə edir.
Kitab beynəlxalq münasibətlər, konfliktologiya və təhlükəsizlik məsələləri üzrə ixtisaslaşan mütəxəssislər üçün nəzərdə tutulub.
Qeyd edək ki, sözügedən kitab Azərbaycan Respublikasının Prezidenti yanında Strateji Araşdırmalar Mərkəzindən əldə edilə bilər.
Kitabda aşağıda qeyd edilmiş müəlliflərin məqalələri əksini tapıb:
Lorens Broyers
Dondurulmuş münaqişədən davamlı rəqabətə: Dağlıq Qarabağ münaqişəsinin yenidən qiymətləndirilməsi
Gülşən Paşayeva
Dağlıq Qarabağ sülh prosesində qeyri-rəsmi diplomatiya təşəbbüslərinin qiymətləndirilməsi
Svante Kornel
Ermənistan-Azərbaycan münaqişəsi və Avropa təhlükəsizliyi
Fərhad Məmmədov
Ermənistan-Azərbaycan Dağlıq Qarabağ münaqişəsinin Cənubi Qafqazdakı sülh və əməkdaşlığa qarşı əsas təhlükə kimi qiymətləndirilməsi
Zaur Şiriyev
Dördgünlük müharibə: Dağlıq Qarabağ münaqişəsində paradiqmaların dəyişməsi
İlqar Qurbanov
Ermənistan və Azərbaycan arasında zorakılıq artacaqmı?
Ceyms Şerr
Dağlıq Qarabağ: köhnə və yeni geosiyasət arasında
Tomas Ambrosio
Dağlıq Qarabağ münaqişəsi həllini tapırmı? Obama administrasiyası dövründə həyata keçirilən sülh quruculuğu səylərinin qiymətləndirilməsi
Stefen Blank
Amerika siyasəti, Azərbaycan və Dağlıq Qarabağ münaqişəsi
Kamer Qasım
Dağlıq Qarabağ münaqişəsi ilə bağlı Amerika siyasəti və onun münaqişənin həllinə təsirləri
Gülşən Paşayeva və Nigar Göksəl
Dağlıq Qarabağ münaqişəsinə dair Türkiyə,Rusiya və ABŞ yanaşmalarındakı qarşılıqlı əlaqə
Cohanna Popjanevski
Beynəlxalq hüquq və Dağlıq Qarabağ münaqişəsi
Kamal Makili-Əliyev
Müqayisəli Beynəlxalq humanitar hüquq:Suriya və Dağlıq Qarabağ münaqişəsindəki vəhşiliklər
Zara Popova,İnqa Merken,Lavinia Badulesku
Mədəniyyətlərarası mövcudluq və əməkdaşlıq: “Schleswig-Holstein” modeli tətbiq edilə bilərmi?
Kəmalə İmranlı-Löv
Paris Sülh Konfransı və Qarabağa dair Erməni arqumentləri
Kəmalə İmranlı Lovi
Naxçıvan, 1919-cu ildəki Erməni arqumentləri və Müttəfiq güclər
Mehrəngiz Nəcəfzadə
Etnik münaqişə və məcburi köçkünlük: Dağlıq Qarabağ müharibəsinin Azərbaycanlı məcburi köçkün və qaçqın qadınlarının hekayələri
Şərhlər
Kamal Makili-Əliyev
Dağlıq Qarabağ münaqişəli ərazi deyil, işğal edilmiş bölgədir
Gülşən Paşayeva
Dağlıq Qarabağ münaqişəsinin həllindəki əsas maneə
Azad Qəribov
Ermənistanın Dağlıq Qarabağla bağlı sülh səylərindəki anlaşılmaz təxribatları
Nəcibə Mustafayeva
Ermənistan nə üçün Dağlıq Qarabağı tanımaq istəyir?
Gülşən Paşayeva
Dağlıq Qarabağda zorakılığın yenidən şiddətlənməsinin səbəb və nəticələri
Fuad Çıraqov
Michael Keymbekin "Qarabağ münaqişəsi ilə bağlı Böhran Qrupu"na cavab
İlqar Qurbanov
Qlobal enerji axınlarını təhdid edən dondurulmuş müharibə
S.Xankişiyeva
