Turistlərin əxlaqsız qadınlara baxması qadağan edilib
Amsterdam turistlərin Qırmızı fənərlər küçəsinə ziyarət etməsini qadağan etmək qərarına gəlib.
Ekskursiya rəhbərlərinə tapşırılıb ki, turistlər nəiki seks-sənaye işçilərinin şəkilini çəkməsin, hətta əxlaqsız qadınların ximətlərini təqdim edildiyi vitrinlərə belə baxmasın.
Yeni qaydalar apreldən qüvvəyə minəcək. Təşəbbüsün məqsədi həmin məhəllədə yaşayan sakinləri qorumaqdır.
Hollandiya rəhbərliyi ekskursiya qruplarının sayını azaltmağı da qərara alıb. 20 nəfərdən artıq qrup olmamalıdır, həmçinin gidlərin bu ərazidə ekskursiya təşkil etməsi üçün xüsusi icazəsi olmalıdır.
Həmçinin Qırmızı fənərlər küçəsinə səfər edərkən turistlər alkoqollu içki, narkotikdən istifadə etməməli, həmçinin yüksək səslə danışmaq və qışqırmaq da olmaz.
S.Xankişiyeva
