YAP İlham Əliyevin namizədliyinin qeydə alınması üçün sənədləri MSK-ya təqdim edib

Azərbaycan  Prezidenti, Yeni Azərbaycan Partiyasının sədri İlham Əliyevin Prezidentliyinə namizədliyinin qeydə alınması üçün tələb edilən sənədlər Seçki Məcəlləsinin tələblərinə müvafiq olaraq tərtib edilərək Mərkəzi Seçki Komissiyasına təqdim edilib. 

1news.az bu barədə YAP-ın saytına istinadla xəbər verir.

Qeyd edək ki,  Yeni Azərbaycan Partiyasının 2018-ci il fevral ayının 8-də VI qurultayı keçirilib. Qurultayda 2018-ci il aprelin 11-də keçiriləcək növbədənkənar prezident seçkilərində Yeni Azərbaycan Partiyasının sədri, Azərbaycan Prezident İlham Əliyevin Azərbaycan  prezidentliyinə namizədliyinin irəli sürülməsi barədə yekdilliklə qərar qəbul edilib.