Həmsədrlər prezidentlərlə görüşlərinin yekunlarına dair bəyanat yayıblar

ATƏT-in Minsk qrupunun həmsədrləri Azərbaycan və Ermənistana prezidentləri ilə keçirdikləri görüşün yekunlarına dair bəyanatla çıxış ediblər.

1news.az ATƏT-in saytına istinadla xəbər verir ki, bəyanatda Minsk qrupunun həmsədrləri İqor Popov(Rusiya), Endrü Şofer (ABŞ)  və Stefan Viskonti (Fransa), ATƏT-in fəaliyyətdə olan sədrinin şəxsi nümayəndəsi Anjey Kaspşiklə birgə fevralın 7-də Azərbaycan Prezidenti İlham Əliyevlə, fevralın 9-da isə Ermənistan prezidenti Serj Sarkisyanla görüş keçiriblər.

Həmsədrlər, həmçinin hər iki ölkənin xarici işlər nazirləri ilə də görüşlər keçiriblər. Fevralın 9-11-də onlar Dağlıq Qarabağa səfər edib, Zəngilan, Qubadlı, Ağdam, Laçın və Kəlbəcərdə konkret yerləri ziyarət ediblər.

Həmsədrlər 2017-ci ilin oktyabr ayında Cenevrə sammitində, eləcə də Viyana və Sankt-Peterburqdaki görüşlərdə qoyulmuş bütün öhdəliklərin vicdanla yerinə yetirilməsinin vacibliyini xüsusi vurğulayıblar.

Vasitəçilər son zamanlar təmas xəttində insanların ölümündən dərin narahatlıqlarını ifadə edərək tərəfləri Cenevrədə razılaşdırıldığı kimi gərginliyin azaldılması üçün əlavə addımlar atmağa, atəşkəs rejiminə əməl etməyə, eləcə də təhrikedici bəyanatlar və təxribat xarakterli hərəkətlər etməməyə çağırıblar.

Həmsədrlər  güc tətbiq edilməməsi, ərazi bütövlüyü, xalqların öz müqəddəratlarını təyin etmək, bərabər hüquqlara malik olmaq prinsiplərinə əsaslanan Helsinki Yekun Aktına əsaslanaraq münaqişənin sülh yolu ilə həllinin tapılmasında tərəflərə kömək etməkdə israrlı olduqlarını, hazırki seçki dövrü nəzərə alınmaqla tərəflərin intensiv danışıqları davam etdirmək niyyətlərini alqışlayıbkar.

1news.az