ABŞ-da silahlı şəxs girov götürdüyü üç nəfəri və özünü öldürüb

ABŞ-ın Kaliforniya ştatının Yuntvil şəhərindəki veteranlar evində girov götürülən üç qadın ölü tapılıb.

1news.az-ın RİA Novosti-yə istinadla verdiyi xəbərə görə, bu barədə yerli polis nümayəndəsi açıqlama yayıb.

İlkin məlumata görə, veteranlar evinə hücum edən silahlı şəxs girov götürdüyü 3 nəfəri və özünü öldürüb.

Kaliforniya qubernatoru Jerry Brovn öldürülən qadınların veteranlar evinin işçiləri olduqlarını açıqlayıb.

Silahlı şəxsin hərbi proqramlardan birinin iştirakçısı olduğu və psixi pozuntu səbəbindən proqramdan kənarlaşdırıldığı bildirilir.

S.Xankişiyeva