Səfir: Yalnız Azərbaycan, Qazaxıstan və Belarus iqtisadi-sosial inkişafını sabit səviyyəyə çatdırıb
Bu gün Qazaxıstanın Azərbaycandakı səfirliyində prezident Nursulatn Nazarbayevin “Müstəqilik erası” kitabının təqdimatı olub.
1news.az xəbər verir ki, tədbirdə çıxış edən Qazaxıstanın Azərbaycandakı səfiri Beybit İsabayev kitabı unikal nəşr adlandırıb. O deyib ki, kitabda Qazaxıstanın 26 il ərzində keçdiyi yol, inkişafı, planlar barədə məlumat verilib. Ölkənin iqtisadi inkişafı, həmçinin, sənaye, rəqəmsal iqtisadiyyata keçiddə əldə edilmiş uğurlar, Qazaxıstanın beynəlxalq təşkilatlarda iştirakı və rolu əks olunub.
Səfir vurğulayıb ki, ölkənin qarşılaşdığı çətinliklərə baxmayaraq qazanılan uğurlar da az deyil. Bütün bunlara isə ölkə rəhbərinin müdrik siyasəti nəticəsində nail olunub.
Azərbaycanla Qazaxıstan arasındakı əlaqələrə toxunan səfir bildirib ki, hər iki ölkənin iqtisadiyyatı hər il daha da inkişaf edir. O, iki ölkə arasında tranzit, logistika, nəqliyyat sahəsində imzalanmış sənədləri yüksək qiymətləndirib.
B.İssabayev əlavə edib ki, bu gün Qazaxıstan və Azərbaycan rəhbərləri qeyri-neft sahəsinin inkişafına xüsusi diqqət yetirirlər. Keçmiş sovet respublikaları arasında yalnız üçü-Azərbaycan, Qazaxıstan və Belarus iqtisadi-sosial inkişafını sabit səviyyəyə çatdırıb.
Tədbirdə çıxış edən Azərbaycab-Qazaxıstan Dostluq Cəmiyyətinin sədri Eldar Günaydın, Qazaxıstanın Dostlarl Klubunun fəxri üzvü Yəhya Əliyev kitabın əhəmiyyəti barədə danışıblar, kitabı Qazaxıstanın tarixinin bir hissəsi adlandırıblar.
P.Sultanova
