MSK-da 383 beynəlxalq müşahidəçi akreditasiyadan keçib

İndiyədək Mərkəzi Seçki Komissiyasında (MSK) 383 beynəlxalq müşahidəçi akreditasiyadan keçib. Onlar 37 beynəlxalq təşkilatı təmsil etməklə 49 ölkənin vətəndaşlarıdır.

1news.az  xəbər verir ki, bu barədə sechki-2018.az saytına MSK-nın media və ictimai əlaqələr şöbəsinin müdiri Şahin Əsədli məlumat verib.

O qeyd edib ki, indiyədək  ümumilikdə 53 min 366 yerli müşahidəçi də  akreditasiyadan keçib ki, onlardan 1139-u MSK-da, 52 min 227 nəfəri isə dairə seçki komissiyalarında akreditasiyadan keçib.

Ş. Əsədli əlavə edib ki, bütün bunlarla yanaşı, siyasi partiyalar tərəfindən aşağı seçki komissiyalarına 4909 məşvərətçi səs hüquqlu üzv təyin olunub.  

1news.az