Mübariz Əhmədoğlu: Ermənistandakı mitinqlər Dağlıq Qarabağ münaqişəsinə tam laqeydlik nümayiş etdirdi

Ermənistanda baş verən son proseslər Dağlıq Qarabağ prizmasından diqqət çəkir:

ı. Yerevanda keçirilən mitinqlərdə Dağlıq Qarabağ məsələsi ümumiyyətlə hallanmadı.

ıı. Dağlıq Qarabağın bayrağı görünmədi.

ııı. Dağlıq Qarabağ məsələsində tənzimlənmənin son gedişi ermənilər üçün ürək açan olmadığına görə heç bir məlumat verilmədi.

ıv. N.Paşinyanın Dağlıq Qarabağ tənzimlənməsində mövqeyi bəllidir. Deputat Arman Saqatelyanın söylədikləri faktdır.

1. Bako Saakyan N.Paşinyanla görüşsə də mitinq iştirakçılarına birbaşa müraciət edə bilmədi. Bunu hansı səbəbdən edə bilməməsi əhəmiyyətli deyil.

vı.Bako Saakyan vaxtını çoxunu Yerevanda keçirir.Dağlıq Qarabağa yaşamaqdan artıq qorxur

vıı. Dağlıq Qarabağ münaqişəsi həll olunmayanadək Ermənistanın dirçəlməsi, erməni xalqının öz dövlətçiliyini müdafiə etməsi mümkün deyil. Dağlıq Qarabağda baş verənlər Ermənistandakı mitinqlərin alt layı hesab oluna bilər.

Dağlıq Qarabağın daxilində kifayət qədər ciddi proseslər gedir. Ermənistan rəhbərliyinin ən böyük uğuru bəlkə də bu mitinqləri Amerikayönümlü elan etməsi oldu. Məhz bu səbəbə görə Dağlıq Qarabağ erməniləri hələ ki, tərəddüd edir. Amma bir azdan Dağlıq Qarabağ erməniləri tam inanacaqlar ki, Ermənistandakı mitinqlərin motivasiyasının nə olmasından asılı olmayaraq səbəbi Ermənistan rəhbərliyinin apardığı siyasətdir.

Prezident S.Sərkisyanın dövründə:

ı. Ermənistan kilsəsi mənəviyyatsızlıq yuvasına çevrildi,

ıı. Diasporla Ermənistan arasında uçurum yarandı.

ııı. Demoqrafik problem yarandı. Miqrasiyanın rəqəmləri hədsiz çox böyük idi. Bu rəqəmlər demoqrafik problemə tam şərait yaratdı.

ıv. Xarici borcu ən azı 7 dəfə artaraq 7 milyard dollar oldu.

S.Sərkisyanın dövründə Ermənistanın yeganə “uğuru” var. O da Dağlıq Qarabağ məsələsində münaqişənin tənzimlənməsinə imkan verməməkdir. Bu uğuru əldə etmək üçün Serj Sərkisyan ABŞ-ın adından Rusiyaya, Rusiyanın adından ABŞ-a yalanlar danışıb. Nəticədə, özü müdafiəsiz qaldı. Amma bu o demək deyil ki, Dağlıq Qarabağ tənzimlənməsində S.Sərkisyan istədiyinə nail oldu. Dağlıq Qarabağ münaqişəsinin tənzimlənməsini 10 il yubatmaq Ermənistanın iqtisadiyyatının dirçəlməsini 20 il geri atmaq anlamındadır.

Mübariz Əhmədoğlu,

Siyasi İnnovasiya və Texnologiyalar Mərkəzinin sədri