Paşinyan Ermənistanın baş naziri seçildi
Ermənistan müxalifətinin lideri Nikol Paşinyan baş nazir seçilib.
1news.az-ın məlumatına görə, bu barədə qərar Ermənistan parlamentinin bu gün keçirilən xüsusi iclasında qəbul edilib.
Səsvermənin nəticələrinə əsasən, “Yelk” (Çıxış) fraksiyasının üzvü, ölkədə başlayan etiraz aksiyalarının lideri N. Paşinyan baş nazir seçilib. Səsvermə zamanı 59 deputat N. Paşinyanın lehinə, 42-si isə əleyhinə səs verib.
Qeyd edək ki, mayın 1-nə təyin edilmiş xüsusi iclasda Ermənistan parlamenti N. Paşinyanın baş nazir vəzifəsinə namizədliyini qəbul etməyib.
Xatırladaq ki, deputat N. Paşinyan aprelin 13-dən İrəvanda başlayan kütləvi etiraz aksiyalarına rəhbərlik edib. Aksiyaçıların nəticəsi olaraq sabiq prezident, baş nazir Serj Sarkisyan istefa verib.
1news.az
