11 kişiyə ərə gedən qadın daşqalaq olundu - FOTO

Somalidə 30 yaşlı Şükri Abdullahim Varsam rəcm cəzasına məruz qalaraq daşqalaq olunub. O, əri ola-ola 11 kişiyə gizli şəkildə ərə getməkdə suçlanıb.

1news.az-ın Milli.az-a istinadən verdiyi xəbərə görə, terrorçu “Əl Şəbab” qruplaşmasının Şəriət Məhkəməsi onu zinakarlıqda suçlayaraq edamına qərar verib. Edam Aşağı Şabella əyalətindəki Sablale şəhərində gerçəkləşdirilib.

9 kişi məhkəmədə ifadə verərək Şükrinin onların hər biri ilə nikaha girdiyini deyib. Şükrinin əri isə arvadının nikahlarından xəbərsiz olduğunu söyləyib.

1news.az