Fuad Ələsgərov: Ordumuz öz gücünü aprel döyüşlərində göstərdi
Müasir Azərbaycanın əldə etdiyi nailiyyətlərdən biri də güclü ordunun yaradılmasıdır. Bu gün Azərbaycan Ordusu müasir silahlarla tam təmin edilib və Ali Komandanın rəhbərliyi ilə ən çətin tapşırıqları yerinə yetirməyə qadir, yüksək döyüş hazırlığına malik ordudur.
1news.az xəbər verir ki, bunu Azərbaycan Prezidentinin hüquq-mühafizə orqanları ilə iş və hərbi məsələlər üzrə köməkçisi - şöbə müdiri Fuad Ələsgərov ümummilli lider Heydər Əliyevin 95 illiyi və Azərbaycan Xalq Cümhuriyyətinin 100 illiyinə həsr olunmuş "Sevdiyim" adlı layihənin təqdimat mərasimində çıxış edərkən deyib.
F.Ələsgərov bildirib ki, Ordumuz öz gücünü 2016-cı ildə aprel döyüşlərində göstərib və üç rəngli bayrağımızı düşməndən azad edilən torpaqlarda ucaldıb:
“Əminik ki, yaxın zamanlarda 3 rəngli bayrağımız işğaldan azad edilmiş Şuşada, Xankəndidə dalğalanacaq".
Babək Cahandarov
