İndoneziyada növbəti partlayış - 3 ölü

İndoneziyanın Yava adasında daha bir partlayış baş verib.

1news.az TASS-a istinadla xəbər verir ki, hadisə Sidoarco şəhərində yerləşən yaşayış binasında baş verib.

İlkin məlumata əsasən, mənzillərdən birində əldəqayırma partlayıcı qurğunun işə düşməsi nəticəsində biri yeniyetmə olmaqla, 3 nəfər həlak olub. Partlayış zamanı mənzildə olan daha iki uşaq sağ qalıb və təxliyə olunublar.

Qeyd edək ki, İndoneziyanın Surabaya şəhərində ötən gün 3, bu gün 1 partlayış baş verib. Ötən gün şəhərdə 3 kilsə partladılıb. Partlayışlar nəticəsində 13 nəfər həlak olub, 40 nəfər isə yaralanıb. Həmçinin polis məntəqəsinin girişində motosiklet partladılıb, nəticədə 7 polis əməkdaşı həlak olub.

1news.az