Hikmət Hacıyev: “Rusiya Xarici İşlər Nazirliyinə ciddi etiraz bildiriləcək”
“Bunu regionda sülhə və təhlükəsizliyə ciddi zərbə kimi qiymətləndiririk. Bu heç bir halda regionda davamlı sülh və təhlükəsizliyin təmin olunması üçün etimadın qurulmasına xidmət edən addım deyil. Əksinə, regionda ağır olan vəziyyətin daha da gərginləşməsinə xidmət edir”.
1news.az-ın məlumatına görə, bunu Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Abxaziya separatçılarının lideri Raul Xadjimbanın Rusiya XİN-nin MDB ölkələri ilə üzrə idarəsinin rəisi Aleksey Pavlovski, habelə qondarma “DQR”, Dnestryanı və Cənubi Osetiya respublikalarının nümayəndələri ilə görüşünü şərh edərkən bildirib.
H.Hacıyev Azərbaycanın etirazının və ciddi narahatlığının Rusiya Xarici İşlər Nazirliyinə diplomatik kanallarla çatdırılacağını da sözlərinə əlavə edib.
1news.az