Kubada matəm elan olunub – FOTO – YENİLƏNİB
Kubanın Dövlət Şurası Havana yaxınlığında “Boeing 737” təyyarəsinin qəzaya uğraması ilə bağlı matəm elan edib.
1news.az-ın RİA Novosti-yə istinadla verdiyi xəbərə görə, təyyarədə beş uşaq da daxil olmaqla 110 sərnişin olub.
Onlarda üçü sağ qalıb və ağır vəziyyətdə xəstəxanaya yerləşdirilib.
Qeyd edək ki, “Cubana de Aviacion” aviaşirkətinin Meksikanın “Global Air” aviaşirkətindən icarəyə götürdüyü “Boeing 737” təyyarəsi Havana yaxınlığında qəzaya uğrayıb. Havana-Olqin marşrutu üzrə uçan layner havaya qalxdıqdan az sonra yerə çırpılıb və yanıb.
S.Xankişiyeva
23.00 18 may
Kubada qəzaya uğrayan Boeing 737 sərnişin təyyarəsinin göyərtəsində 113 nəfər olub.
1news.az xəbər verir ki, bu barədə yerli mətbuat məlumat yayıb.
Məlumata görə, onlardan 104-ü sərnişinlərdir. Təyyarə Boyeros şosesində yerə çırpılıb.
22:15
Kubada “Cubana de Aviacion” aviaşirkətinə məxsus “Boeing 737” təyyarəsi qəzaya uğrayıb.
1news.az-ın RİA Novosti agentliyinə istinadən verdiyi xəbərə görə, Havana-Olqin marşrutu üzrə uçan təyyarə havaya qalxdıqdan az sonra yerə düşüb.
Təyyarənin göyərtəsində 100-dək sərnişinin olduğu ehtimal edilir. Hadisə yerinə yanğınsöndürənlər və təcili tibbi yardım briqadaları cəlb edilib.
1news.az
