Respublikaçı vitse-spiker Paşinyanı təkzib etdi

Ermənistanda erkən parlament seçkilərinin keçirilməsi tarixindən danışmaq hələ tezdir.

1news.az xəbər verir ki, bunu Ermənistan parlamentinin vitse-spikeri, respublikaçı Eduard Şarmazanov deyib.

O bildirib ki, Ermənistanda hər beş aydan sonra siyasi vəziyyət dəyişə bilər və əgər bu məntiqdən çıxış etsək, onda gərək hər beş aydan bir seçki keçirək. 

Məsələni müzakirə edilməli olduğunu deyən Şarmazanov, bununla belə əlavə edib ki, hazırda erkən seçkilər üçün hüquqi və siyasi əsaslar yoxdur.

Respublikaçı vitse-spikerin sözlərinə görə, erkən seçkilərin səbəbi Paşinyanın təqdim etdiyi proqramın uğursuzluğu ola bilər, lakin baş nazirin bəyanatından aydın olur ki, belə bir proqram təqdim etməyə hazırlaşmır. Hansı ki, həmin proqram rədd edilə bilər: 

“Əgər biz bu proqramı qəbul etməsək, başqa bir mərhələyə daxil olacağıq. Önümüzdəki aylarda erkən seçkilərin keçirilməsi istisnadır. Daha sonra nə baş verəcək, mən cavab verməyə hazır deyiləm. Siyasətdə nəyisə istisna etmək mümkün deyil".

Qeyd edək ki, baş nazir Nikol Paşinyan yaxın aylarda erkən seçkilərin keçiriləcəyini bəyan edib, onun sözlərinə görə, indi əsas prioritet məsələ də məhz seçkilərdir.

P.Sultanova