İrəvan meri istefa ərizəsi yazıb

İrəvanın meri Taron Marqaryan istefa ərizəsi yazıb.

1news.az erməni mətbuatına istinadla xəbər verir ki, bu barədə "Çıxış" (Yelk) blokunun fraksiya rəhbəri David Hajakyan bildirib.

"İstefa ərizəsi artıq yazılıb, lakin hələ açıqlanmır. Hesab edirəm ki, istefadan sonra baş verəcəklər barədə bir neçə sual var, onlar dəqiqləşdirilməlidir. Bundan sonra hər şey dərc olunacaq ", - deyə Hajakyan vurğulayıb.

Əlavə edib ki, onun Ağsaqqallar Şurasının sonuncu iclasında iştirak etməməsi bununla bağlıdır.

Qeyd edək ki, iyunun 26-da Ağsaqqallar Şurasının iclasında Taron Marqaryanın səhhətindəki problemlə bağlı iştirak etmədiyi bildirilmişdi. İclas Kamo Areyan tərəfindən idarə olunub.

P.Sultanova