Yunanıstanda meşə yanğınları: ölənlərin sayı artıb – YENİLƏNİB
Yunanıstanın Afina şəhərinin ətrafındakı meşədə yanğın baş verib.
Yunanıstanın paytaxtı Afina yaxınlığındakı meşə yanğınında ölənlərin sayı 50-ə çatıb. Səhər saatlarında Mati kurort rayonunda 26 nəfərin meyiti aşkar edilib. Bildirilir ki, yanğından xilas olmaq istəyənlər dənizə can atmağa çalışıblar.
Yüzlərlə insan xəsarət alıb. Onlar arasında azyaşlı uşaqlar da var. Güclü külək yanğını nəzarət altına almağa imkan vermir.
09.27
Afinanın yaxınlığındakı meşə yanğınları nəticəsində 26 nəfər ölüb, daha 69 nəfər xəstəxanaya yerləşdirilib.
1news.az-ın RİA Novosti-yə istinadla verdiyi xəbərə görə, bu barədə “Associated Press” xəbər yayıb.
Yaralılardan çoxunun vəziyyəti ağır kimi qiymətləndirilir. Afina ətrafında yaşayan sakinlərin təxliyyəsi isə davam etdirilir.
Yanğının söndürülməsinə onlarla yanğınsöndürən, üç təyyarə və iki helikopter cəlb olunub. Lakin güclü külək yanğını nəzarətə almağa imkan vermir.
S.Xankişiyeva
