Qadın onu dişləyən ilanı xəstəxanaya apardı – VİDEO

Çində qadın onu sancan ilanı tutub və xəstəxanaya yollanıb.

1news.az-ın Milli.az-a istinadən verdiyi xəbərə görə, olay Çinin Çendu bölgəsindəki Puszyan şəhərində yaşanıb.

Xəstəxananın qəbul şöbəsinə yaxınlaşan qadın "Məni ilan dişləyib - baxın, bu ilan" deyib.

Həkimlər gəliblər və müayinə aparıblar.

İlanın zəhərli olmadığı, qadının da ciddi xəsarət almadığı bəlli olub.

Həkim Xuan Şenszyanın dediyinə görə, ilanın dişlədiyi yerin ətrafında şiş yox idi: "İlan zəhərli deyildi. Ona görə pasiyentə adi qaydada prosedür müalicəsi yazdıq".

20 yaşlı qadının dediyinə görə, ilan onu kolluğa düşmüş telefonunu axtaranda sancıb.

1news.az