“Sabah” klubunda Müşahidə Şurası yaradılıb – ÜZVLƏR – FOTO | 1news.az | Xəbərlər
Futbol

“Sabah” klubunda Müşahidə Şurası yaradılıb – ÜZVLƏR – FOTO

17:30 - 09 / 08 / 2018
“Sabah” klubunda Müşahidə Şurası yaradılıb – ÜZVLƏR – FOTO

AFFA-nın qərarına əsasən Premyer Liqada çıxış edən klublarda Müşahidə Şurası yaradılmalıdır. Bu ildən Premyer Liqada çıxış edəcək “Sabah” Futbol Klubunda da AFFA-nın tövsiyəsi və dəstəyi ilə Müşahidə Şurası yaradılıb.
1news.az
-ın məlumatına görə, Müşahidə Şurasının üzvləri klubun fəaliyyətində və ilbəil daha da inkişaf etməsi üçün görüləcək işlərdə yaxından iştirak edəcəklər. “Sabah” FK-nın əsas prinsiplərindən biri möhkəm bünövrə üzərində sağlam klub yaratmaqdır ki, Müşahidə Şurasının üzvləri də bu sahədə öz köməklərini göstərəcək, məsləhətlərini verəcəklər. Onlar müxtəlif qurum və şirkətlərlə işgüzar əlaqələrin qurulması, kluba yeni investorlar və sponsorların cəlb olunması istiqamətində əhəmiyyətli rol oynayacaqlar. Şura üzvləri eyni zamanda klubun inkişaf strategiyası üçün önəmli olan ideya və təkliflərini verəcəklər.

Müşahidə Şurasının tərkibi aşağıdakı kimidir:

Firudin Qurbanov - Azərbaycan Respublikası təhsil nazirinin müavini.

2003-cü ildə AFFA-nın elmi metodiki komissiyanın sədri, “Azərbaycan Respublikasında 2005-2015-ci illərdə futbolun inkişafına dair Dövlət Proqramı”nın hazırlanmasında İşçi Qrupun rəhbəri olub. 2014-cü ildən təhsil nazirinin müavinidir. 2015-ci ilin mart ayından AFFA-nın İcraiyyə Komitəsinin üzvüdür. Həmin ilin may ayında Tələbə Futbol Federasiyasının prezidenti seçilib. Qeyd edək ki, Firudin müəllimin klubumuzun Müşahidə Şurasına üzv qəbul olunması AFFA tərəfindən tövsiyə olunub. Firudin Qurbanov “Sabah” Futbol Klubunun Müşahidə Şurasının sədridir.

İqor Ponomaryov - Azərbaycanlı keçmiş futbolçu və məşqçi, 1988-ci ilin olimpiya çempionu, SSRİ-nin əməkdar idman ustası (1989).

Ponomaryov Azərbaycan futbolunun tanınmış simalarındandır. Karyerasının böyük hissəsini “Neftçi”də keçirib. Sabiq yarımmüdafiəçi SSRİ-nin gənclər yığmasında da çıxış edib. 1988-ci ildə Seulda keçirilən Yay Olimpiya Oyunlarında qızıl medal qazanan SSRİ yığmasının heyətində olub. Ponomaryov SSRİ-nin əməkdar idman ustası adına layiq görülüb.

Karyerasını bitirdikdən sonra məşqçi fəaliyyəti ilə məşğul olub. İsveçin “Sirianska”, Rusiyanın “Maşuk” klublarıyla yanaşı, ölkəmizdə “Qarabağ” və “Xəzər Lənkəran” kimi komandalarda çalışıb. Ponomaryov Azərbaycanın futbol üzrə əsas yığmasının da baş məşqçisi olub.

Rəhman Hacıyev - “1news.az” saytının və “Bakinskiy raboçiy” qəzetinin rəhbəri.

2002-2008-ci illər aralığında MBASK sığorta şirkətində maliyyə sahəsində çalışıb. 2008-ci ildən “1news.az” saytının və “Bakinskiy raboçiy” qəzetinin rəhbəridir. O, ən böyük həvəskar futbol liqası olan MFL-in həmtəsisçisi və direktorudur.

Rauf Xəlilov - Sahibkar

2007-ci ildən “İSR Holdinq”də vitse-prezident vəzifəsində çalışır. Şirkətin fəaliyyət sahəsinə nəqliyyat, neft və neft məhsullarının satışı, otel işi, avtomobil biznesi daxildir. Azərbaycanda ən böyük satış şirkətlərindən olan “Zara” və “Massimo Dutti”nin səhmdarlarındandır. “İSR Auto” isə Azərbaycanda “Toyota” və “Lexus”, həmçinin, “Georgia Lexus” şirkətlərinin rəsmi dileridir. Dağ Xizək İdman Federasiyasının prezidentidir.

Yaqub Hüseynov - Sahibkar

“Sabah” Futbol Klubunun təsisçisi və Müşahidə Şurasının sədridir. Yaqub Hüseynov “Bridge Group of Companies”-in rəhbəridir. 1998-ci ildə “Global İnteriors Group” şirkətini, 2008-ci ildə isə “Bridge Group of Companies” şirkətlər qrupunu və “Bridge Plaza” biznes mərkəzini təsis edib.

Firudin Qurbanov

İqor Ponomaryov

Rəhman Hacıyev

Rauf Xəlilov

Yaqub Hüseynov

1news.az

Paylaş:
2155

Son xəbərlər

“Nizami Gəncəvi” və “Gənclik” parkları sakinlərin sevimli məkanına çevrilib - FOTOBu gün, 12:15Sumqayıtda qadını avtobusdan təpiklə itələyən şəxs saxlanılıb? - Elşad Hacıyevdən AÇIQLAMABu gün, 12:08Prezident İlham Əliyev: “Minsk qrupu ilə bağlı spekulyasiyalar sülh üçün dağıdıcı təsirə malikdir”Bu gün, 11:54Naxçıvanda əsgərin ölüm səbəbi açıqlandıBu gün, 11:48Azərbaycan neftinin qiyməti bahalaşmaqda davam edirBu gün, 11:45İlham Əliyev: Qoşulmama Hərəkatındakı dostlarımız Azərbaycana qarşı təxribatların qarşısı aldılarBu gün, 11:43Prezident: “Ölkəmiz pandemiyaya qarşı fəal mübarizə aparan ölkələrdən biri olduBu gün, 11:32“Azərbaycan hər zaman həm regional, həm də qlobal məsələlərdə öz mövqeyini nümayiş etdirib”Bu gün, 11:30Prezident İlham Əliyevin Qoşulmama Hərəkatı Parlament Şəbəkəsinin Bakı Konfransında çıxış edib - FOTO - YENİLƏNİBBu gün, 11:29Qiyməti, keyfiyyəti və hədiyyəsi ilə sevindirəcək yeni Huawei Y70 artıq “Kontakt”daBu gün, 11:18Sabirabadın baş memarı saxlanılıbBu gün, 11:13Bakıda Qoşulmama Hərəkatı Parlament Şəbəkəsinin Konfransı başlayıbBu gün, 11:09Mədəniyyət Nazirliyi və “Araz” Şuşa Dövlət Musiqili Dram Teatrının tamaşasını təşkil etdi - FOTOBu gün, 11:00Ağdam sakinində narkotik maddə aşkarlanıbBu gün, 10:45Türkiyədə meymunçiçəyinə ilk yoluxma aşkarlanıbBu gün, 10:41BŞTİ rəhbərindən deputatın ittihamlarına CAVAB: “Boş-boş danışmaqla deyil”Bu gün, 10:35ADDA-ya imtahansız qəbullarla bağlı elanlar tamamilə saxtadırBu gün, 10:20Bakı və Abşeronda “Kənddən Şəhərə” həftəsonu yarmarkaları keçiriləcəkBu gün, 10:13FHN Bakıda mehmanxananın fəaliyyətini məhdudlaşdırıb - VİDEOBu gün, 10:12Türkiyədə təlimləri uğurla bitirən azərbaycanlı kursantlara sertifikatlar təqdim olunubBu gün, 09:59
Bütün xəbərlər

Next TV