“Neftçi” “Qalatasaray”a qarşı
"Neftçi" bu gün Avropa Liqasında növbəti oyununa çıxacaq.
1news.az qol.az-a istinadən xəbər verir ki, paytaxt təmsilçisi 2-ci təsnifat mərhələsində Türkiyənin "Qalatasaray" klubu ilə qarşılaşacaq. Bakı Olimpiya Stadionunda keçiriləcək oyun saat 20:00-da başlayacaq.
İlk mərhələdə Şimali Makedoniyanın "Şkupi" klubunu mübarizədən kənarlaşdıran (2:1) Füzuli Məmmədovun komandası Türkiyə nəhəngi ilə oyuna da qələbə üçün çıxacaq.
Qeyd edək k, "Neftçi" - "Qalatasaray" cütünün qalibi bu gün keçiriləcək "Renova" (Şimali Makedoniya) - "Hayduk" (Xorvatiya) oyununda üstün olan komandanı qəbul edəcək.
17 sentyabr
Avropa Liqası
2-ci təsnifat mərhələsi
"Neftçi" (Azərbaycan) - "Qalatasaray" (Türkiyə) 20:00.
Hakimlər: Kevin Klensi, Devid Makqişi, Qrem Stüart, Euan Anderson (hamısı Şotlandiya)
Bakı Olimpiya Stadionu.
1news.az
