“Muğanbank” ilk rübü mənfəət ilə bağlayıb - FOTO
“Muğanbank” ASC 2021-ci ilin ilk rübünü 1 milyon 593 min manat xalis mənfəət ilə başa vurub. Halbuki, Bank ötən ilin eyni dövrünü 1 milyon 300 min manat xalis zərər ilə bağlamışdı.
2021-ci ilin ilk rübündə “Muğanbank”ın cəmi əməliyyat gəlirləri 15 milyon 600 min manat, cəmi əməliyyat xərcləri 13 milyon 908 min manat, gəlirlər xərcləri üstələdiyindən əməliyyat mənfəəti 1 milyon 692 min manat təşkil edib. Bank əməliyyat mənfəətinin 99 min manatını mümkün zərərlər üçün yaradılan məqsədli ehtiyatlara ayırıb. Beləliklə, "Muğanbank" ilk rübü 1 milyon 593 min manat xalis mənfəət ilə bağlayıb.
Müqayisə üçün qeyd edək ki, 2020-ci ilin ilk rübündə Muğanbank“ın cəmi əməliyyat gəlirləri 11 milyon 806 min manat, cəmi əməliyyat xərcləri 12 milyon 427 min manat, xərclər gəlirləri üstələdiyindən əməliyyat zərəri 621 min manat təşkil etmişdi. Bankın mümkün zərərlər üçün yaradılan məqsədli ehtiyatlara 679 min manat ayrılması zərərin 1 milyon 300 min manata yüksəlməsinə səbəb olmuşdu.
2020-ci ilin ilk rübü ilə müqayisədə 2021-ci ilin ilk rübündə "Muğanbank"ın qeyri-faiz gəlirləri 2 dəfə artraraq 9 milyon 295 min manat təşkil edib. Qeyri-faiz gəlirlərinin kəskin artması Bankın cəmi gəlirlərinin artmasına və mənfəətin yaranmasına səbəb olub.
MÜŞTƏRİLƏRƏ VERİLMİŞ KREDİTLƏR ARTIB
31 Mart 2021-ci il tarixində “Muğanbank” 599 milyon 374 min manat cəmi aktivlərə malik olub, aktivlərin 345 milyon 479 min manatını müştərilərə verilmiş kreditlər təşkil edib. 2020-ci ilin sonunda Bank 590 milyon 906 min manat cəmi aktivlərə malik idi, o cümlədən aktivlərin 335 milyon 946 min manatını müştərilərə verilmiş kreditlər təşkil etmişdi. İlk rübdə “Muğanbank”ın kredit portfeli 9 milyon 533 min manat və ya 3%-ə yaxın artıb.
MƏCMU KAPİTALI 100 MİLYON MANATA YAXINDIR
31 Mart 2021-ci il tarixində "Muğanbank" 98 milyon 742 min manat məcmu kapitala malik olub. Bankın məcmu kapitalı banklar üçün minimal tələbdən təxminən 2 dəfə çoxdur.
Rüb ərzində Azərbaycan "Muğanbank"ın I dərəcəli kapitalının adekvatlıq əmsalı 15.25%, məcmu kapitalının adekvatlıq əmsalı 18.69% təşkil edib. Beləliklə, Bankın kapital adekvatlığı göstəriciləri tənzimləyici orqanın müəyyən etdiyi normalardan (müvafiq olaraq 5% və 10%) əhəmiyyətli dərəcədə yüksək olub.
Reklam hüququnda
