TƏBİB-dən karantin rejiminin yumşaldılması ilə bağlı açıqlama: “Hələ ki, rəsmi qərar qəbul edilməyib”
Tibbi Ərazi Bölmələrini İdarəetmə Birliyinin (TƏBİB) xəstəliklərin profilaktikası və kontrolu departamentinin müdiri Yaqut Qarayeva “Günə bərabər başlayaq” verilişində çıxışında karantin rejiminin yumşaldılması ilə bağlı fikir bildirib.
Yaqut Qarayeva, açıq havada maskadan istifadənin ləğvi, toylara icazənin olması və ictimai nəqliyyatla bağlı qərar verilməsinin gözləndiyini deyib.
Məsələ ilə bağlı 1news.az-ın sorğusuna cavab olaraq TƏBİB-dən bildirilib ki, ölkədə epidemioloji vəziyyət dəyərləndirilərək yumşaldılma tədbirləri barədə Nazirlər Kabineti yanında Operativ Qəraragah tərəfindən müzakirələr aparılır.
“Bununla bağlı hələ ki, rəsmi qərar qəbul edilməyib” – deyə, qeyd olunub.
653