Vüqar Rəhimzadə: Siyasi dialoqun inkişafı dövlət siyasətinin prioritet istiqamətlərindəndir | 1news.az | Xəbərlər
Siyasət

Vüqar Rəhimzadə: Siyasi dialoqun inkişafı dövlət siyasətinin prioritet istiqamətlərindəndir

S.Xankişiyeva11:14 - 11 / 09 / 2021
Vüqar Rəhimzadə: Siyasi dialoqun inkişafı dövlət siyasətinin prioritet istiqamətlərindəndir

Siyasi dialoqun inkişafı dövlət siyasətinin prioritet istiqamətlərindən biridir.

Bunu 1news.az-a YAP Xətai rayon təşkilatının sədri, siyasi elmlər doktoru Vüqar Rəhimzadə deyib.

V.Rəhimzadə qeyd edib ki, Azərbaycan demokratik, hüquqi, dünyəvi dövlətdir. Ölkəmizdə demokratik cəmiyyətin varlığını təsdiqləyən bütün atributların mövcudluğu üçün zəruri addımlar atılır, onların dövrün, zamanın tələblərinə uyğun təkmilləşdirilməsi daim diqqət mərkəzində saxlanılır:

"Siyasi münasibətlərdə dialoq mühitinin dəstəklənməsi də demokratik ənənələrin inkişafına xidmət edən addımlar sırasındadır. Azərbaycan hakimiyyəti müxtəlif təşəbbüslər vasitəsilə dialoq məfhumunun aktuallığının qorunmasını təmin edir. Dövlət başçısı İlham Əliyev 2018-ci il prezident seçkilərində parlaq qələbəsindən sonra andiçmə mərasimində qarşıdakı dövrdə həyata keçiriləcək islahatların anonsunu vermişdir. Bu fikir daim önə çəkilir ki, islahatların həyata keçirilməsi labüddür. Ona görə ki, həyat yerində durmur, daim qarşıya yeni vəzifələr qoyulur. Ölkə Prezidentinin rəhbərliyi ilə reallığa çevrilən sistemli islahatlar öz növbəsində siyasi münasibətlər sistemini də əhatə edir. Siyasi sistemin təkmilləşdirilməsi, siyasi münasibətlərin sağlam zəmində qurulması istiqamətində önəmli addımlar atılır və bu prosesin davamlı olacağı bildirilir. Bütün bunların nəticəsidir ki, ölkəmizin artıq gündəlik siyasi təcrübəsinə daxil olmuş iqtidar-müxalifət dialoqu davamlı şəkildə inkişaf edir".

Rayon təşkilatının sədri bildirib ki, ümummilli maraqlar və xalqın rifahı naminə ölkədə siyasi dialoq mühitinin dəstəklənməsi strateji əhəmiyyətə malikdir: "Hər sahədə təcrübəsi nümunə olan Azərbaycanın siyasi dialoq mühitinin formalaşdırılması istiqamətində də təqdim etdiyi model beynəlxalq səviyyədə təqdir olunur. Bu model belə bir ümumi mənzərəni ortaya qoyur ki, ölkəmizdə dayanıqlı inkişafın, siyasi sabitliyin, həmrəylik mühitinin və demokratik ənənələrin təminatçısı olan siyasi dialoqun inkişafı dövlət siyasətinin prioritet istiqamətlərindən biridir".

Diqqəti Prezident Adminitsrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin mütəmadi olaraq siyasi partiyaların rəhbərləri ilə görüşlərinə yönəldən V.Rəhimzadə qeyd edib ki, bu tədbirlər siyasi dialoq mühitinin daha sağlam zəmində formalaşmasına öz müsbət təsirini göstərir. Bu baxımdan hər bir görüşün dövrün aktual məsələlərinin müzakirəsinə həsr edilməsi təqdirəlayiq addımdır. Reallıq budur ki, dövlət başçısının siyasi iradəsi və demokratik dəyərlərə sadiqliyi nəticəsində ölkəmizdə dialoq mühiti durmadan inkişaf edir: "Qeyd ediyimiz kimi, Vətən müharibəsi dövründə dünya ictimaiyyəti Azərbaycanda mütləq siyasi həmrəyliyin, həmçinin bütün xalqın bir yumruq olaraq böyük Qələbə naminə Prezident, Ali Baş Komandan İlham Əliyevin ətrafında sıx birləşməsinin şahidi oldu. Hazırda demokratik dəyərlərin təşviqinə xidmət edən bu kimi təşəbbüslərin icrası uğurla davam etdirilir. Zənnimcə, sentyabrın 9-da Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsində ölkədə fəaliyyət göstərən 45 siyasi partiyanın rəhbərləri ilə “Siyasi partiyalar: Zəfər, yeni reallıq və dialoq” mövzusunda görüşün keçirilməsini bu prosesin növbəti mərhələsi hesab etmək olar".

Baş redaktor son vaxtlarda siyasi partiyalar arasında birliyin, həmrəyliyin yaradılması fonunda onların fəaliyyətinin daha da təkmilləşdirilməsi istiqamətində atılan addımlardan da bəhs edib.

Bildirib ki, əksər siyasi partiyaların ofislərinin yenidən bərpası, qurultaylarının keçirilməsi üçün zəruri yerlərin müəyyənləşdirilməsi, bir neçə partiyanın qeydiyyatının təmin olunması bu diqqət və qayğının tərkib hissələridir: "Ən əsası «Siyasi partiyalar haqqında» yeni qanunun qəbul olunması zərurəti gündəmə gətirilib və bununla bağlı konstruktiv təkliflər irəli sürülməkdədir. Hesab edirəm ki, bugünkü reallıqlarımız fonunda «Siyasi partiyalar haqqında» yeni qanunun qəbul edilməsi də dövrün aktual çağırışları sırasındadır. Atılan addımlar siyasi dialoq mühitinin təkmilləşdirilməsinin dövlət siyasətinin prioritet istiqamətlərindən biri olduğunu nümayiş etdirir".

Paylaş:
152

Son xəbərlər

Dolların sabaha olan rəsmi məzənnəsi açıqlanıbBu gün, 18:01Şəhid zabitimiz Tərlan Gülüşov Vətən müharibəsində böyük şücaət göstərib - VİDEOBu gün, 17:53Agentlik məşhur restoranında pozuntu aşkarlayıbBu gün, 17:46Narkotiklərin satışını həyata keçirən şəbəkəyə daxil olan daha 23 nəfər saxlanılıb - VİDEOBu gün, 17:32Qaxda əlillik dərəcəsi vədi ilə vətəndaşların 17 min manatını mənimsəyən şəxs saxlanılıbBu gün, 17:25Sumqayıtda toya gedən koronavirus xəstəsi aşkarlanıbBu gün, 17:15Bərdədə törədilən qətlin istintaqı yekunlaşıbBu gün, 17:09Xəzərdə zəlzələ olubBu gün, 16:50ABŞ-ın sabiq dövlət katibi koronavirusdan vəfat edibBu gün, 16:47UEFA-nın Avro-2020 qoluna görə ilk NFT Kuboku Patrik Şikə təqdim edilibBu gün, 16:33Bu kəndlərdə bir aydan çoxdur ki, içməli su yoxdur - VİDEOBu gün, 16:32Cinsi təcavüzlə bağlı cinayət işi İstintaq idarəsinə həvalə edilibBu gün, 16:26Rusiya NATO-dakı nümayəndəliyinin işini dayandırır - LavrovBu gün, 16:07“Bizə bu hissi yaşadanlara ömür boyu borcluyuq” - Deputat Prezidentin Füzuli səfərindən danışdıBu gün, 16:00Dünya çempionatında iştirak edəcək Azərbaycan boksçuları bəlli olubBu gün, 15:53Türkiyənin Milli Müdafiə Nazirliyi Azərbaycanı təbrik edibBu gün, 15:22VTB (Azərbaycan) “Universal” əmanəti üzrə gəlirliliyi 10,2%-ə qaldırırBu gün, 15:18Zakir Həsənov NATO-nun Qafqaz və Mərkəzi Asiya üzrə xüsusi nümayəndəsi ilə görüşübBu gün, 15:14Səlçuk Bayraktarın atası vəfat edib - FOTOBu gün, 15:04“Füzulinin azad olunması Azərbaycan Ordusunun şanlı zəfər yürüşünə yol açdı” - DeputatBu gün, 14:42
Bütün xəbərlər

Next TV