2050-ci ilə qədər ekologiyaya vurulan zərər azaldılmalıdır - BMT Baş Assambleyasının keçmiş prezidenti
2050-ci ilə qədər ekologiyaya vurulan zərər azaldılmalıdır.
1news.az-ın Trend-ə istinadla verdiyi xəbərə görə, bunu “COVID-19dan sonrakı dünya” mövzusunda VIII Qlobal Bakı Forumda “İqlim dəyişikliyinə qarşı mübarizə və qlobal enerji ehtiyaclarını qarşılamaq:hər ikisini necə edə bilərik?” mövzusunda paneldə çıxış edən BMT Baş Assambleyasının keçmiş prezidenti Maria Fernanda Espinosa deyib.
O qeyd edib ki, ekologiyaya zərəri daha çox energetika sahəsi vurur:
"2050-ci ilə qədər ekologiyaya vurulan zərər azaldılmalıdır. İqlim dəyişikliyinin qarşısını almaq üçün daha çox tədbirlər görməliyik. Bunu ayrı-ayrılıqda fərd şəklində edə bilmərik. Ümumi sistem olmalıdır".
Qeyd edək ki, Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə carı ilin 4-6 noyabr tarixlərində “COVID-19-dan sonrakı dünya” mövzusunda növbəti Qlobal Bakı Forumu keçirilir.
Sayca 8-ci olan Bakı Forumunda qlobal əhəmiyyət kəsb edən məsələlərin müzakirəsi məqsədilə dünyanın 40-dan çox ölkəsindən ali və yüksək səviyyəli nümayəndələr, sabiq dövlət və hökumət başçıları, beynəlxalq və qeyri-hökumət təşkilatlarının rəsmiləri, eləcə də digər nüfuzlu qonaqların iştirak edirlər.
