Hindistanın baş qərargah rəisi həyat yoldaşı ilə birgə helikopter qəzasında həlak olub

Hindistan silahlı qüvvələrinin Baş qərargah rəisi Bipin Ravat Tamilnad ştatında baş vermiş helikopter qəzası nəticəsində həlak olub.

1news.az-ın Trend-ə istinadən məlumatına görə, bu barədə Hindistan Hərbi Hava Qüvvələrinin mətbuat xidməti "Twitter" səhifəsində bildirib.

Qəza nəticəsində helikopterdə 14 nəfərdən 13-ü həlak olub. Baş qərargah rəisi ilə yanaşı, onun həyat yoldaşı da ölənlər arasında olub.

Qeyd edək ki, səhər saatlarında qəza nəticəsində dörd nəfərin həlak olduğu bildirilirdi.