Daha bir qadın stend atıcımız beynəlxalq yarışda diqqət mərkəzindədir

Beynəlxalq Atıcılıq Federasiyasının (ISSF) Türkiyənin Konya şəhərində keçirilən Qran Pri yarışında idmançımız Nurlana Cəfərofa bürünc medal qazanıb.

1news.az-ın verdiyi məlumata görə atletimiz bu nailiyyəti stend atıcılığının dairəvi növü üzrə qadınlar arasında yarışda əldə edib.

Türkiyə Atıcılıq Federasiyasının məlumatına görə, Nurlana Cəfərova nəticələri ilə Bakıda keçirilən Dünya Kuboku yarışlarında bürünc medal qazanmış idmançıları da geridə qoyub.

Konya-2022 Qran Prisi iyunun 13-də başlayıb. Ölkəmizi yarışda 14 idmançı təmsil edir. Bu yarışda bir neçə gün əvvəl idmançılarımız Əli Hüseynli və Alina Rəfixanova qarışıq komanda yarışında bürünc medal qazanıblar.