Moskvadan Bakıya növbəti birbaşa reyslərə biletlər bitib

Aviaşirkətlərin saytlarında Rusiya vətəndaşlarının vizasız gedə biləcəyi ölkələrə Moskvadan reyslər üçün bilet qalmayıb.

1news.az xəbər verir ki, Moskvadan Bakıya, İstanbula, İrəvana və digər qonşu ölkələrə giriş üçün viza tələb olunmayan növbəti birbaşa reyslərin aviabiletləri tükənib .

Qeyd olunur ki, Aeroflotdan Bakıya birbaşa uçuş üçün bileti sentyabrın 23-dən tez olmayaraq və 74,5 min rubla almaq olar(təxminən 2100 manat), “Azərbaycan Hava Yolları”nda isə hələ də sentyabrın 22-nə 719 avroya (1213 manat), 24-dən etibarən isə 394 avroya (665 manat) biletlər var.