“Paşinyan öz sələfləri Köçəryan və Sarkisyanın siyasətini davam etdirir” - AÇIQLAMA
Bildirdiyimiz kimi mayın 10-da axşam saatlarından başlayaraq Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib.
Nəticədə Azərbaycan Ordusunun hərbi qulluqçuları - Novruzəlizadə Orxan Elxan oğlu həlak olub, Mahmudlu Müslüm Vidadi oğlu ağır yaralanıb. Danışıqların getdiyi vaxtda sual yaranır, Ermənistan niyə mövcud vəziyyəti gərginləşdirməyə çalışır?
Məsələ ilə bağlı 1news.az-a danışan Milllət vəkili Elman Nəsirov deyib ki, Ermənistan Azərbaycanın ərazi bütövlüyünün qeyd-şərtsiz tanımalıdır:
“Azərbaycanın sülh çağırışlarına məhəl qoymayan Ermənistan insan hüquqlarının kobud şəkildə pozulmasına yönəlmiş hərbi təxribatlara hələ də davam edir. Azərbaycan Ordusu bu təxribatın qarşısını alıb. Hesab edirəm ki, Ermənistan bu addımı məqsədli şəkildə atıb. Aydın məsələdir ki, Entoni Blinkenin iştirakı ilə keçirilən üçtərəfli Vaşinqton görüşü zamanı Ermənistan məğlub olduğunu bir daha anlamış və sülhdən süni əngəllər yaradaraq müxtəlif bəhanələrə yayınmaq olub. Azərbaycanın davamlı olaraq təklif etdiyi sülh çağırışlarının əksinə olaraq Ermənistan məqsədli şəkildə regionda vəziyyəti gərginləşdirir, beynəlxalq hüququn norma və prinsiplərini kobud şəkildə pozmaqla yeni münaqişə ocaqlarının yaranması üçün təxribatlar törədir”.
“Həmçinin Vaşinqtonda keçirilən danışıqlar əsasında Ermənistanın məğlub tərəf olduğu hər kəsə məlum olduğu üçün Azərbaycanın ərazi bütövlüyünü tanınmasının tələb olunmasıdır" -deyə, deputat əlavə edib:
“Hal-hazırda Paşinyan öz sələfləri Köçəryan və Sarkisyanın siyasətini davam etdirir. Yəni süni əngəllər yaradaraq, mövcud vəziyyəti uzadır. Ermənistan sülh istəmir, ona görə bu cür addımlar atır. Ermənistan regionda sülh görmək istəyirsə, Azərbaycanın ərazi bütövlüyünün qeyd-şərtsiz tanımalıdır”.
