Komitə 76 avtomobili hərraca çıxarır

İqtisadiyyat Nazirliyi yanında Əmlak Məsələləri Dövlət Xidməti tərəfindən noyabrın 28-də təşkil olunacaq hərraca 33 avtomobil çıxarılacaq.

Əmlak Məsələləri Dövlət Xidmətindən 1news.az-a bildirilib ki, istehsal tarixi 1988-2012-ci illər, start qiyməti 3000-22000 manat arasında dəyişən avtomobillər Rusiya, Almaniya və Yaponiya istehsalıdır.

Dekabrın 5-də keçiriləcək hərraca isə 43 nəqliyyat vasitəsi çıxarılacaq. Avtomobillərin istehsal tarixi 1985-2013-cü illər arasında, start qiyməti 500-13500 manat arasında dəyişir.

Hərraca çıxarılan əmlakların tam siyahısı ilə https://clck.ru/35Uotw linki vasitəsilə tanış olmaq mümkündür.

İştirak etmək istəyənlər xidmətin rəsmi saytından (emlak.gov.az) və ya özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalında (e-emlak.gov.az) qeydiyyatdan keçməklə, dövlət əmlakının ilkin hərrac qiymətinin 10 faizi məbləğində behi ödəyərək iştirakçı statusu almaq olar.