Gəncədə avtomobil yaşlı qadını vuraraq öldürüb

Gəncə şəhərində piyadanın ölümü ilə nəticələnən yol-nəqliyyat hadisəsi baş verib.

1news.az  report-a istinadən xəbər verir ki,  hadisə şəhər ərazisində qeydə alınıb.

"Hyundai" markalı minik avtomobili yolu keçmək istəyən 1954-cü il təvəllüdlü Elmira Səfərovanı vurub.

Qadın ağır vəziyyətdə Abbas Səhət adına Gəncə Birləşmiş Xəstəxanasına çatdırılsa da, onun həyatını xilas etmək mümkün olmayıb.

Faktla bağlı araşdırma aparılır.