Bütün avtobusların “Bakı kart” sistemi və kondisionerlərə keçməsi üçün vaxt uzadıldı - EKSKLÜZİV | 1news.az | Xəbərlər
Cəmiyyət

Bütün avtobusların “Bakı kart” sistemi və kondisionerlərə keçməsi üçün vaxt uzadıldı - EKSKLÜZİV

16:13 - 13 / 04 / 2017
Bütün avtobusların “Bakı kart” sistemi və kondisionerlərə keçməsi üçün vaxt uzadıldı - EKSKLÜZİV

Bakı Nəqliyyat Agentliyi daha öncə elan etmişdi ki, 2017-ci ilin 25 may tarixindən etibarən bütün marşrut xətlərindəki avtobuslarda “Bakı kart” sistemi və kondisionerlə olacaq.

1news.az xəbər verir ki, geridə qalan müddətdə sərnişindaşıma ilə məşğul olan daşıyıcı şirkətlərlə keçirilən görüşlərə və aparılan tədbirlərə baxmayaraq, həmin şirkətlər avtobuslardakı çatışmazlıqları aradan qaldıra bilməyiblər.

Hələ də texniki standartlara cavab verməyən, müvafiq qeydiyyatı olmayan avtobuslar Bakı yollarında hərəkətdədir. Neçə-neçə sənədsiz sürücülər isə insanların həyatını təhlükəyə atmaqdadır.

Məsələ ilə bağlı Bakı Nəqliyyat Agentliyinin mətbuat xidmətinin rəhbəri Mayıs Ağayev 1news.az-a bildirib ki, Bakıda fəaliyyət göstərən bütün avtobusların “Bakı kart” sisteminə keçidi və onlarda sərinlədici / qızdırıcıların təmin edilməsi onların texniki vəziyyəti ilə əlaqədardır:

“18 marşrut xəttindəki 450 avtobusda bu sistemlərə keçid olub. Amma bu ümumi saya nisbətdə çox az göstəricidir. Belə ki, Bakıda ümumilikdə 157 marşrut xətti üzrə 2081 avtobus fəaliyyətdədir. Bunlardan 1143-ü şəhərdaxili, 940-ı isə şəhərətrafı çalışır.

Biz istifadədə olan sərnişin avtobuslarının yenilənməsi və əsaslı təmiri ilə bağlı daşıyıcı şirkətlər qarşısında məsələ qaldırmışıq. Bakı Nəqliyyat Agentliyi də bacardığı qədər onlara kömək istəyir ki, bu məsələ həllini tapsın. Reallıq budur ki, sərnişin avtobuslarının 70-80 faizi dəyişdirilməlidir”.

M.Ağayevin sözlərinə görə, hazırda BNA tərəfindən avtobusların yenilənməsi prosesinə başlanılıb. Sonrakı mərhələdə isə utilizasiya nəzərdə tutulub:

“Bu planlar uğurlu şəkildə həyata keçiriləndən sonra Bakıda texniki standartlara cavab verməyən avtobuslar xətlərdən çıxarılacaq.

BNA-nın qanunvericilikdən irəli gələn tələblərinə əməl etməyən daşıyıcı şirkətlər barəsində tədbirlər görüləcək, hətta marşrut şəbəkəsindən kənarlaşdırılacaq. Marşrut xətti isə müsabiqəyə çıxarılaraq başqa daşıyıcı şirkətə verilir:

Agentlik rəsmisi sözlərinə əlavə edib ki, 2018-ci ilin birinci rübünə qədər “Bakı kart” və kondisionerli avtobuslara tam keçidin baş tutması gözlənilir:

“Onlara daha öncə 2017-ci ilin mayına qədər göstərilən standartlara keçmək tələbi qoyulmuşdu. Amma problemlər hələ də qalmaqdadır. Gecikmənin səbəbi daşıyıcı şirkətlərlə bağlıdır.

Bir məsələ də var ki, indi tələblərə cavab verməyən avtobusların hamısı xətdən çıxarılsa çox çətin vəziyyət yaranar, sərnişinlər çıxılmaz vəziyyətə düşərlər. Ona görə də şirkətlərə verilən vaxt uzadılıb və konkret addımlar atılması tələb edilib”.

Fərid Ədalət

Paylaş:
4971

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər