1news.az

Naqif Həmzəyev: “Bu, insanpərvər siyasətin növbəti təzahürüdür”

7 Aprel saat 11:27 ~ 1 dəqiqəlik oxu 530
Naqif Həmzəyev: “Bu, insanpərvər siyasətin növbəti təzahürüdür”

Məlum olduğu kimi, ötən gün Prezident İlham Əliyev “Məhkum edilmiş bir sıra şəxslərin əfv olunması haqqında” sərəncam imzalayıb.

Ölkə başçısının imzaladığı sərəncamla koronavirus (COVİD-19) infeksiyasının yayılması ilə əlaqədar xüsusi qayğıya ehtiyacı olan yaşı 65-dən yuxarı 11-i qadın olmaqla ümumilikdə 176 azadlıqdan məhrum etmə cəzasına məhkum edilmiş şəxs cəzanın çəkilməmiş hissəsindən azad ediliblər.

Məsələ ilə bağlı 1news.az-a danışan Milli Məclisin deputatı Naqif Həmzəyev bildirib ki, Prezident İlham Əliyev dünyaya nümunə olacaq ali humanistlik, qayğıkeşlik nümunəsi göstərərək, 176 məhkumun əfv sərəncamına imza atdı.

“Sərəncama əsasən 165 kişi və 11 qadının cəzanın çəkilməmiş hissəsindən azad edilməsi ölkədə həyata keçirilən insanpərvər siyasətin növbəti təzahürü oldu. Ənənəvi olaraq, ölkə Prezidenti bayram günlərində, bir sıra əlamətdar tarixlərdə əfv sərəncamları imzalayardı.

Bu dəfə fərqli bir vaxtda, ölkəmizin koronavirus pandemiyası ilə mübarizə apardığı vaxtda imzalanan əfv sərəncamı bir daha onu nümayiş etdirdi ki, statusundan, tutduğu mövqedən asılı olmayaraq hər bir ölkə vətəndaşı Prezident İlham Əliyevin diqqət mərkəzindən kənarda qalmır” – deyə deputat fikirlərinə əlavə edib.

Qafar Ağayev

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net