1news.az

Qırğızıstan-Tacikistan sərhədində gərginlik: 1 ölü, 13 yaralı

17 Sentyabr saat 15:17 ~ 1 dəqiqəlik oxu 57
Qırğızıstan-Tacikistan sərhədində gərginlik: 1 ölü, 13 yaralı

Qırğızıstan-Tacikistan sərhədində yenidən gərginlik yaşanır.

1news.az-ın AZƏRTAC-a istinadən verdiyi xəbərə görə, ötən gün axşam saatlarında sərhədin Batken vilayəti ərazisində baş verən yeni qarşıdurmada bir hərbçi ölüb, 13 adam müxtəlif dərəcədə xəsarət alıb. Onların da yeddisi hərbçi, altısı mülki vətəndaşlardır. Yaralananlardan ikisinin vəziyyətinin ağır olduğu bildirilir.

Xəsarət alanlar Qırğızıstanın İsfanı şəhər xəstəxanasına yerləşdirilib. Ölən və yaralananların hamısı Qırğızıstan vətəndaşlarıdır.

Qırğızıstanın Baş naziri Muxammedkalıy Abılqaziev təcili olaraq Batken vilayətinə gedib, sərhəddə yaşayan vətəndaşlarla görüşüb, xəstəxanada olan yaralılara baş çəkib.

Sərhəddə vəziyyət gərgin olaraq qalır.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net