1news.az

SABAH qruplarına tələbə seçimi müsabiqəsinə başlanılıb

3 İyun saat 16:48 ~ 1 dəqiqəlik oxu 2650
SABAH qruplarına tələbə seçimi müsabiqəsinə başlanılıb

2020-2021-ci tədris ili üzrə SABAH qruplarına tələbə seçimi müsabiqəsinin I mərhələsinə start verilib. Növbəti tədris ilində SABAH qruplarında təhsil almaq arzusunda olan tələbələr elektron ərizə vasitəsilə qeydiyyatdan keçməklə müsabiqədə iştirak etməlidirlər.

1news.az xəbər verir ki, mövcud qaydalara əsasən, SABAH qruplarına Təhsil Nazirliyinin tabeliyində olan ali təhsil müəssisələrində müəyyən edilmiş ixtisaslar üzrə əyani formada təhsil alan,  birinci tədris ilinin I semestrinin nəticələrinə görə akademik borcu olmayan və orta müvəffəqiyyət göstəricisi (ÜOMG) 61-dən aşağı olmayan Azərbaycan Respublikası vətəndaşları müraciət edə bilər.

Növbəti tədris ilində 10 ali təhsil müəssisəsində 32 ixtisas üzrə SABAH qruplarının  yaradılması nəzərdə tutulub. Müsabiqənin növbəti mərhələləri haqqında ətraflı məlumat mütəmadi olaraq www.sabah.edu.az saytında yerləşdiriləcək.

Xatırladaq ki, SABAH qrupları 2014-2015-ci tədris ilində Azərbaycan Respublikası Təhsil Nazirliyinin təşəbbüsü ilə yaradılıb və hazırda 11 ali təhsil müəssisəsi, 36 ixtisas, 500-dən artıq professor-müəllim heyəti, 2400-dən artıq tələbə və 2500-dən artıq məzunu əhatə edir. SABAH qruplarının məqsədi ali təhsildə davamlı, uzunmüddətli, hərtərəfli və əhatəli keyfiyyət dəyişikliklərinin həyata keçirilməsi üçün mühitin yaradılması, Azərbaycan gənclərinin fərdi və peşəkar inkişafına dəstək göstərilməsi, əmək bazarının tələblərinə uyğun olaraq savadlı, bacarıqlı və nazırlıqlı mütəxəssislərin yetişdirilməsidir.

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net