Şəhər merini maşına bağlayıb küçələrdə sürüdülər

Meksikanın Las-Marqaritas şəhərinin meri Xorxe Eskandonu iplə maşına bağlayıb şəhər küçələrində sürüyüblər.

1news.az-ın Oxu.az-a istinadən verdiyi xəbərə görə, bununla şəhər sakinləri merin işinə etirazını bildiriblər.

Şəhər rəhbəri yolları düzəldəcəyinə söz verib, lakin çoxsaylı xahişlərə baxmayaraq sözündən qaçıb.

Merin köməyinə gələn polis və əhali arasında toqquşma baş verib, nəticədə 11 nəfər xəsarət alıb, daha 30 insan saxlanılıb.

Şəhər rəhbərinə lazımi tibbi yardım göstərilib.

1news.az