1news.az

İntihar edən iki uşaq anasının məktubu ürək dağladı: “Haqqımı halal etmirəm” – FOTO

5 Fevral saat 11:29 ~ 1 dəqiqəlik oxu 478
İntihar edən iki uşaq anasının məktubu ürək dağladı: “Haqqımı halal etmirəm” – FOTO

Əri, qayınanası və anası tərəfindən zülm görən gənc qadın meyitinin ailəsinə verilməməsini və kimsəsizlər qəbiristanlığında dəfn olunmasını vəsiyyət edərək özünü öldürüb.

“SonDakika”nın məlumatına görə, dəhşətli hadisə Türkiyənin Bursa şəhərinin Yıldırım rayonunda baş verib.

Bildirilir ki, Çorum şəhərindən Bursaya gəlin gələn 42 yaşlı iki uşaq anası Gülər K. yataq otağında özünə qəsd edib. Onu əri tapıb və dərhal polisə xəbər verib. Hadisə yerinə hüquq-mühafizə orqanlarının əməkdaşları və tibb işçiləri cəlb olunub.

Evdə təhqiqat aparan Yıldırım Rayon Polis İdarəsinin əməkdaşları qadının yazdığı məktubu tapıblar. Məktubda qadın əri, qayınanası və anasının zülmlərdən bezdiyi üçün həyatına son qoyduğunu yazıb.

“Əgər iflic olsam, ya ölsəm, dəfnimə ərim, qayınanam, anam – heç kim gəlməsin. Mənim heç kəsim yoxdur, kimsəsizlər məzarlığında basdırılmaq istəyirəm. Ərimə, qayınanama və anama haqqımı halal etmirəm. Sadəcə, uşaqlarım məzarımın yerini bilsinlər. Cənazəmi əsla ərimə və ailəmə verməyin”, - deyə gənc ana son məktubunda qeyd edib.

Qadının meyiti ekspertizaya yollanıb. Hüquq-mühafizə orqanlarının əməkdaşları isə hadisə ilə bağlı istintaqa başlayıblar.

1news.az

OXUCULARIN SEÇİMİ
REDAKSİYANIN SEÇİMİ
Türkiyə BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net