1news.az

Unikal əməliyyat: xəstəyə ölmüş insanın ürəyi köçürülüb

13 Dekabr saat 15:56 ~ 1 dəqiqəlik oxu 3010
Unikal əməliyyat: xəstəyə ölmüş insanın ürəyi köçürülüb

Avstriyalı həkimlər Vyana şəhər klinik xəstəxanasında ölü ürəyin sağ pasiyentə köçürülməsi üzrə uğurlu əməliyyat keçiriblər.

1news.az-ın AZƏRTAC-a istinadən verdiyi xəbərə görə, ORF teleradio kompaniyasının yaydığı məlumata görə, mümkünsüz görünən əməliyyat doqquz saat davam edib. Kardioloqlar 61 yaşlı pasiyentə ölmüş insanın ürəyini köçürə biliblər. Fəaliyyəti tam dayanmış orqanın transplantasiyası "Donation after Circulatory Death" metodu sayəsində mümkün olub. Ondan adətən ağciyər, qaraciyər və böyrək köçürülməsi zamanı istifadə edilir. Qan dövriyyəsinin pozulması səbəbindən bu üsulun ölü ürəkdə istifadəsi mümkünsüz sayılırdı.

Həmin metod üzrə ilk uğurlu əməliyyat 2014-cü ildə Sidney şəhərində qeydə alınıb. Köçürülmə ölü ürəyi döyünməyə məcbur edən "Organ Care Systems" qurğusu vasitəsilə aparılıb.

Vyana Tibb Universitetinin məlumatına əsasən, hazırda pasiyent özünü yaxşı hiss edir. Əldə olunan nəticə gələcəkdə ürək transplantasiyalarının sayının artmasına, pasiyentlərin gözləmə müddətinin azalmasına və ölüm hallarının aşağı düşməsinə səbəb ola bilər.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net